Emakumeen ahalduntzea Shahpur Jat-en:
‘Berdintasunezko gizarte jasangarri baterako bidea’
New Delhiko Shahpur Jat komunitatean (India) emakumeentzako etorkizun inklusiboago eta jasangarriago bat eraikitzeko konpromiso orokorraren alde lanean jarraitzen dugu, Protsahan Charitable Trust-ekin batera burutzen hari garen proiektu eraldatzaile baten bitartez.
Ahalduntzea hezkuntzaren eta digitalizazioaren bitartez
Proiektuak hiru urte daramatza eta emakumeei autonomia eta enplegagarritasuna indartzeko tresna praktiko eta digitalak emateko diseinatuta dago. Vatsalya Ikerketa Zentrotik dago gidatuta eta formazio teorikoa eta praktikoa uztartzen ditu honako funtsezko arlo hauetan:
- Energia-eraginkortasuna
- Hondakinen kudeaketa
- Jasangarritasuna
- Digitalizazioa
Prestakuntzak parte-hartzaileei gaitasun teknikoetan trebatzeaz gain, etxeko eta laneko bizitza orekaz kudeatzen ere irakasten die, iraunkortasun-balioak eta baliabideen erabilera eraginkorra bultzatuz.
Jarduera nabarmenenak
Honako hauek sartzen dira egitarauan:
- Saio teorikoak etxearen kudeaketan, sukaldaritza osasungarrian, finantza pertsonaletan, aurrekontuetan eta oinarrizko lege-idazketa eta teknologia aurreratuen erabileran.
- Proiektu praktikoak mantentze-lanetan, dieta osasungarrietan, kontabilitatean eta jasangarritasun aplikatuan.
Besteak beste, zuzenbidean, finantzetan, ingurumenean eta teknologian adituak diren boluntarioen laguntza izango dute saioek.
Proiektuaren eragina
Ekimen honek 100 emakumeri eragingo die zuzenean, baina eragin biderkatzailearen bitartez, beraien komunitateetako 400 pertsona baino gehiagori iritsiko zaie. Gainera, beste 250 pertsonek etekina aterako diete honekin erlazionatuta dauden proiektuei. Eragin nabarmen honek berdintasunarekin eta garapen inklusiboarekin dugun konpromisoa indartzen du.
Caixa Enginyers-en konpromisoa eta lankidetza
Proiektua Caixa Enginyers-en babes ekonomikoari esker gauzatu ahal izan da, 4.000 euroko dohaintzarekin. Lankidetza-hitzarmen honi esker, Caixa Enginyers-ek funtsezko jarduerak finantzatzeaz gain, berdintasunaren, iraunkortasunaren eta emakumeentzako aukerak hobetzearen aldeko balioekin duen konpromiso irmoa erakusten du.
ICLIn eskertuta gaude beraiengandik jasotako babesagatik, Shahpur Jat bezalako komunitateetan aldaketa esanguratsua eragiten duten proiektuetan lanean jarraitzeko aukera ematen digulako.
Etorkizun hobea eraikitzen
ICLIn uste osoa dugu emakumeen ahalduntzea indartzea dela komunitateak eraldatzeko eta gizarte berdinzaleago eta jasangarriago bat eraikitzeko lehen urratsa.
Proiektu hau Shahpur Jat-eko emakumeen ahalduntzerako aurrerapausoa izateaz gain, beste komunitate batzuk inspiratu ditzakeen eredu errepikagarria ere bada. ICLItik, guztiok gonbidatzen zaituztegu eraldaketa honen parte izatera.
