‘‘Panda-ko biztanleen osasun egoera hobetzea
kilima kontsultategiko larrialdietarako
hornidura elektrikoaren bidez’’

Proiektuaren bidez, larrialdietarako hornidura elektrikoa eman zaio Kilima kontsultategiari/ospitaleari.
Hasieran, Panda-ko populazioaren zenbait osasun-behar zehatzei arretan ematen zien,
eta orain beharrizan orokorrei zuzendua dago.

Finantzaketa: Euskal Herriko Arkitektoen Elkargoa, COAVN: 5.500 €
Kontraparte: Goicouria Fundazioa: 885 €
Herria: Panda (Likasi), Alto Katanga probintzia (Kongoko ED)
Onuradunak: Pandako biztanleak
Burutzeko epea: 6 hilabete (2023 urtea)

AURREKARIAK

Kilima kontsultategiak, hasiera batean gaitasun desberdinak dituzten pertsonak zaintzeko erabiltzen dena, eten ugari izaten ditu hornidura elektrikoan eta arriskuan jartzen ditu instalazioen funtzionamendua, eta ondorioz, erabiltzaileen arreta. Hori dela eta, beharrezkoa da larrialdiko hornidura elektrikoa ematea.

Aparteko hornidura honek bi ekipo autonomo izango lituzke, eraikineko bi unitate erabakigarriri (amatasuna eta ebakuntzak) zerbitzua eskainiz.

TESTUINGURU HISTORIKOA

Kongoko EDk 108 milioi biztanle ditu gutxi gorabehera, eta horietatik ia %90 pobrezia-ataritik behera bizi da. Gizarte-desberdintasunak oso nabarmenak dira. Giza Garapenaren Indizea oso txikia da —179 posizioa 189 herrialdetatik—, eta ondorioz nazioarteko laguntzaren mendekotasun handia duen herrialdea da.

Egoera hori, batez ere, herrialdea suntsitzen joan diren etengabeko gatazken ondorioz da, turismoa garatzeko edozein saiakera hondatuz. Giza eskubideen urraketa etengabea da eta bereziki emakumeei eta adingabeei eragiten die.

Emakumeen %44 inguruk eta gizonen %22 inguruk ez dute diru-sarrerarik, eta egoera horrek berez genero-ezberdintasun sakona islatzen du.

Pobreziaren aurpegi bat elikadura-segurtasunik eza da, talde zaurgarri ugari sortu direlarik. Hala nola: Errefuxiatuak, haur amak, haur soldaduak, eskolatu gabeak… Lehen hezkuntza ez da ez doakoa ez unibertsala, urtero eskola-gastuak bere gain hartu ezin dituzten milaka familia kanporatuz.

Kongoko ED ez da gai izan punta-industria propioa ezartzeko, nahiz eta mineraletan aberatsa izan. Hori bai, beste herrialde batzuek aprobetxatu dute kobrearen eta beste material batzuen negozioa eskuratzeko, aldez aurretik inportatu eta berriz ere manufakturatuta saltzeko. Ez da harritzekoa, Txina bihurtu izana herrialdeko lehen bazkide komertziala …

Katanga gaina, proiektua dagoen lekua, Kongoko egungo 26 probintzietako bat da. Hiri eta industria eremua mineraletan aberatsa da eta landa-eremuan bizirauteko ekonomia garatzen da. Behar dutena laboratzen dute. Horregatik, egoera txarra denean, gosea iristen da.

Hango biztanleak sorgin eta aztien sinesmen zaharrei lotuta bizi dira. Hori dela eta, kontsultategia/ospitalea hobetzeak haien uste sendoak gainditzen lagun diezaieke, eta, gainera, osasun-sistema indartu, Garapen Iraunkorreko Helburuen esparruan.

PROIEKTUAREN LORPENAK

Esan dezakegu proiektu honek ingurumena errespetatzen duela, energia berriztagarriz elikatzen delako. Gainera, ahalik eta inpaktu txikiena eragiten saiatu da, erabilitako materialak birziklatuz eta kontsumo elektrikoa murrizteko neurriak ezarriz.
Bestalde, zerbitzuan ordu gehiago egoteak pertsona gehiagok arreta jasotzea esan nahi du, eta eragin positibo zuzena du komunitatearen osasun-baldintzetan. Kontsulta hurbilagoa praktikatzea ahalbidetzen du eta ondorioz prebentzioari zuzendutakoa.

Proiektuaren arrakasta bertako biztanleen inplikazio-maila handiak bermatzen du. Sortu zenean belar-sastrakak garbitzen, adreiluak egiten edo hondeaketa txikiak egiten parte hartu zutenak, orain erabiltzaile leialenak dira.

Ez dezagun ahaztu, era berean, kontsultategi bat hobetzea oinarrizko azpiegitura bat hobetzearen parekoa dela, gizartearen funtsezko oinarri bat. Gainera, ama-eremuan zuzenean eragiten duenez, eragin positiboa izango du ama-haurren heriotza-tasen murrizketan, egungo arreta egokirik ezari baitagokio, eta, aldi berean, gizonen eta emakumeen arteko osasun-arrakala murriztu egingo da.

Proiektuaren arrakastaren zati bat Xabier Goicouria euskal misiolariaren trakzio eta antolaketa gaitasunean oinarritzen da, Likasin 50 urte baino gehiago egoteak bermatzen baitiote.

Proiektuaren materialak:

• 2 eguzki-panel (460W-ko potentzia)
• 2 biltegiratze-bateria (200 Ah)
• Bihurgailua (1000 W)
• Erreguladorea (30A)
• Gainerako ekipo osagarriak